agar aapne abhi tak is bhartiye channel ko subscribe nahin kiya hai to subscribe button dabakar isse subscribe kariye aur ghanti wale chinh par click karna na bhuliyega, ye prakriya hai ekdum ni-shulk aur aap dekh payenge hamare videos sabse pehle.
10 on 10 pesh kartein hain bharat ki das sabse lokpriye carein
2015 mein launch hui creta korean company hyundai ka ek successful product hai, 1400 cc aur 1600 cc ke engine ke sath creta ko ek muscular styling di gayi hai. creta petrol aur diesel dono varients mein uplabdh hai. Ek premium SUV hone ki wajah se Creta ki keemat 9 lakh se shuru hoti hai.
vitara brezza ek choti SUV hai jiski mukhya ladai Ford Ecosport, Renault duster aur mahindra TUV ke sath hai. 8 se 10 lakh ki uchit keemat hone ke sath sath ye gaadi 24 km prati ltr ki achi mileage deti hai aur sirf diesel varient mein uplabdh hai. is gaadi mein 1300 cc ka engine laga hai jo isse deta hai 0 se 100 km prati ghate ki raftaar sirf 12 second mein.
Renault ki kwid bharat ki sabse sasti caron mein se ek hai, paune 3 lakh se shuru hokar iski keemat saade chaar lakh tak jaati hai. ye car sirf petrol mein aati hai.is gaadi mein iske design ke anukool 800 se 1000 cc ka engine laga hai. agar aap apni pehli gaadi lene ka soch rahe hain jo jeb par zyada bhari na pade to kwid ek acha option hai.
wagon r ek hatch back gaadi hai jiski unchai is segment ki baaki gaadiyon se zyada hai jisse aapko milega paryapt headroom. ye gaadi shehron ke liye ek achi car hai kyonki iska turning radius hai sirf saade chaar mtr jisse aap isse tang galiyon mein bhi mod sakte hain. Aur agar aapki travelling zyada rehti hai to ismein CNG option bhi maujood hai. Is gaadi ko aap 4.5 lakh se 5.5 lakh mein apna bana sakte hain.
i20 hyundai ki ek premium hatchback hai jo 5.5 lakh se 9.5 lakh ki keemat mein khareedi ja sakti hai. is gaadi mein laga hai 1400 cc ka 89 bhp shakti ka engine jo isse deta hai 170 km prati ghanta ki top speed. agar aapke paas samaan ho zyada to usse aap iski 295 litre ki boot space mein asani se rakh saktein hain.
hamari agli gaadi grand i10 bhi hyundai ki hi hai lekin yeh i20 se sasti hai. paune paanch lakh se saade saat lakh keemat ki is car mein laga hai 1200 cc ka engine aur ye petrol aur diesel option mein aati hai. Company ke anusaar petrol version dega aapko 19km prati ltr ka mileage wahin desel se aapko 24 km prati ltr ka milega.
swift features aur pricing ka ek anutha combination hai, maruti suzuki ka tag hone ki wajah se is car ki resale value kaafi achi hai. Ye car petro aur Diesel ke option mein to aati hi hai sath mein company ka isse electric version mein launch karne ka bhi vichaar hai. Is car ka dam 5 lakh se shuru ho kar 7.5 lakh tak jata hai.
Swift desire mein swift ka hi engine maujood hai lekin jahan swift ek hatchback car hai wahin dzire ek sedan hai. dzire 378 ltr ke boot space ke sath aati hai aur ek bharosemand engine hone ki wajah se ye gaadi commercial operators mein khaasa lokpriye hai. agar aapko ek complete family car chahiye to ye car 5.5 lakh se 9.5 lakh ke beech mein ek behtareen option hai.
baleno car ko maruti suzuki ne swift aur dzire ke beech position kiya hai. Ye car swift se badi hone ke bawajood swift se 100 kilogram halki hai. Is car ke 4 variant hain sigma delta zeta aur alpha jismein se delta variant mein automatic transmission ka bhi option hai. Baleno ki styling kaafi attractive hai aur ismein led strip, projector headlamps jaise premium features hain.
aur awwal number par aati hai maruti suzuki alto jisnein october 2015 mein 29 lakh carein bechkar maruti 800 ko peeche chod diya. alto bharat ki sadkon ke liye ek anukool car hai aur iske spare parts bhi aasani se wajib keemat par mil jaate hain. 2.5 se 4 lakh ki budget gaadi hone ki wajah se ye lakhon bhartiyon ki pehli car hai. Alto car petrol aur cng option mein market mein uplabdh hai aur iska mileage bhi kaafi acha hai.
ab jab aap jaan gaye hain bharat ki top 10 caron ke baare mein hum aapse ye jaanna chahenge ki aapko kaun si car sabse zyada pasand hai. aap apne jawaab humein comment ke dwara dein.
Kripya hamare channel ko subscribe karna na bhulein, aapke share like aur subscribe hamein prerit kartein hain aur ache vidoes aap tak pahunchane mein, aapse koi video miss na ho jaye iske liye subscribe ke baad ghanti wala chinh awashya dabain, Dhanyawaad!